ఖమ్మం జిల్లాలో మెగా రైతు మేళా ఏర్పాట్లు ముమ్మరం

ఖమ్మం జిల్లా చింతకాని మండలం జగన్నాధపురంలో మెగా రైతు మేళా ఏర్పాట్లు ముమ్మరంగా సాగుతున్నాయి. ఈ నెల 28 నుంచి 30వ తేదీ వరకు ఈ మేళా జరగనుంది.

వ్యవసాయ శాఖ, వ్యవసాయ విశ్వవిద్యాలయం సంయుక్తంగా ఈ మేళాను నిర్వహిస్తున్నాయి. ఐదు ఎకరాల విస్తీర్ణంలో 150 స్టాళ్లతో కూడిన ప్రదర్శన ఏర్పాటు చేశారు. వ్యవసాయ యంత్రాలు, విత్తనాలు, ఎరువులు, సేంద్రియ ఉత్పత్తులను ఇక్కడ ప్రదర్శిస్తారు.

డిప్యూటీ సీఎం భట్టి విక్రమార్క మేళా ప్రారంభోత్సవంలో పాల్గొంటారు. ఈ నెల 30వ తేదీన రైతు ఆశీర్వాద సభలో ముఖ్యమంత్రి రేవంత్ రెడ్డి పాల్గొని రైతు భరోసా నిధులు విడుదల చేస్తారు. ఆధునిక సాగు పద్ధతులపై శాస్త్రవేత్తలు రైతులకు అవగాహన కల్పిస్తారు.