మైక్రోసాఫ్ట్ మార్కెట్ విలువ జూన్‌లో దాదాపు 49 లక్షల కోట్ల రూపాయలు తగ్గింది

మైక్రోసాఫ్ట్ మార్కెట్ విలువ జూన్ నెలలో దాదాపు 570 బిలియన్ డాలర్లు (సుమారు 49 లక్షల కోట్ల రూపాయలు) తగ్గింది. డాట్‌కామ్ బబుల్ తర్వాత కంపెనీకి ఇది అత్యంత బలహీనమైన నెల అని మార్కెట్ విశ్లేషకులు చెబుతున్నారు.

AI రంగంలో పెట్టుబడులు పెరగడం ఈ పతనానికి ప్రధాన కారణంగా చెబుతున్నారు. మైక్రోసాఫ్ట్ డేటా సెంటర్లు, AI చిప్స్, Azure క్లౌడ్ విస్తరణ, Copilot వంటి ప్రాజెక్టుల కోసం 100 బిలియన్ డాలర్లు వెచ్చించనుంది. అయితే ఈ పెట్టుబడుల నుంచి లాభాలు ఎప్పుడు వస్తాయన్నది స్పష్టంగా లేకపోవడంతో ఇన్వెస్టర్లలో ఆందోళన పెరిగింది.

Azure క్లౌడ్ వ్యాపారం వృద్ధి మార్కెట్ అంచనాలకు తగినంతగా లేకపోవడం కూడా మరో కారణంగా మారింది. AI పై ఖర్చులు పెరుగుతున్నా ఆదాయం అదే వేగంతో పెరగకపోవడంతో షేర్లపై అమ్మకాల వత్తిడి పెరిగింది.

నిపుణులు మాత్రం ఇది AI అంతమనే సంకేతం కాదని, AI పెట్టుబడులపై నిజమైన లాభాలు ఎప్పుడు వస్తాయన్న ప్రశ్నించడం ఇప్పుడు ఎక్కువైందని చెబుతున్నారు. కొందరు విశ్లేషకులు ఈ పతనాన్ని దీర్ఘకాలిక పెట్టుబడిదారులకు అవకాశంగా చూస్తున్నారు. AI రంగంలో మైక్రోసాఫ్ట్ ఇప్పటికే అగ్రస్థానంలో ఉందని, తాత్కాలిక ఒత్తిడి తర్వాత కంపెనీ మళ్ళీ పుంజుకునే అవకాశం ఉందని వారు అభిప్రాయపడుతున్నారు. మార్కెట్ ఇప్పుడు AI ఆదాయంపై స్పష్టత కోసం ఎదురుచూస్తోంది.