టీఆర్ఆర్ ఇనిస్టిట్యూట్ ఆఫ్ మెడికల్ సైన్సెస్ తొలి బ్యాచ్ గ్రాడ్యుయేషన్ వేడుకలో మంత్రి దామోదర రాజనరసింహ

రవీంద్ర భారతిలో టీఆర్ఆర్ ఇనిస్టిట్యూట్ ఆఫ్ మెడికల్ సైన్సెస్ తొలి బ్యాచ్ విద్యార్థులకు స్నాతకోత్సవం నిర్వహించారు. ఈ వేడుకకు రాష్ట్ర వైద్య, ఆరోగ్య శాఖ మంత్రి దామోదర రాజనరసింహ హాజరై నూతన వైద్యులకు పట్టాలు ప్రదానం చేశారు.

ఈ సందర్భంగా మంత్రి మాట్లాడుతూ, వైద్య వృత్తి కేవలం ఉద్యోగం కాదని, మానవ సేవకు అంకితమైన పవిత్ర బాధ్యత అని తెలిపారు. నిరుపేదలకు నాణ్యమైన వైద్య సేవలు అందించేలా యువ డాక్టర్లు కృషి చేయాలని సూచించారు. వైద్య విద్యతో పాటు ప్రజారోగ్య వ్యవస్థను బలోపేతం చేసేందుకు ప్రభుత్వం అన్ని విధాల కృషి చేస్తుందని తెలిపారు.

పటాన్ చేరు సమీపంలోని ఆయనోడి గ్రామంలో 2020లో ఈ ఇనిస్టిట్యూట్ ప్రారంభమైంది. ఇది తొలి బ్యాచ్ విద్యార్థులకు గ్రాడ్యుయేషన్ సర్టిఫికెట్లు అందించింది. ఇనిస్టిట్యూట్ చైర్మన్ మాట్లాడుతూ విద్యార్థులు డాక్టర్లుగా, పీజీలుగా, సూపర్స్పెషాలిటీల్లో రాణించి సమాజానికి సేవ చేయాలని ఆకాంక్షించారు.