నెల్లూరులో 8-10 తరగతి విద్యార్థులకు మంత్రి నారాయణ సైకిళ్ల పంపిణీ

నెల్లూరు: రాష్ట్ర మున్సిపల్ శాఖ మంత్రి పొంగూరు నారాయణ 8, 9, 10 తరగతుల విద్యార్థులకు సైకిళ్ల పంపిణీ కార్యక్రమాన్ని ప్రారంభించారు. తన సొంత నిధుల నుంచి రూ.5 కోట్లతో 7,000 సైకిళ్లను అందించారు.

నెల్లూరు నగరంలోని 24 ప్రభుత్వ పాఠశాలల విద్యార్థులు ఈ సైకిళ్లను పొందారు. విఆర్సీ గ్రౌండ్లో జరిగిన కార్యక్రమంలో విద్యార్థులు, వారి తల్లిదండ్రులు పాల్గొన్నారు. దూర ప్రాంతాల నుంచి వచ్చే విద్యార్థులకు సైకిల్ సౌకర్యం ఉపయోగపడుతుందని మంత్రి తెలిపారు.

గతంలో నారాయణ విఆర్ హైస్కూలును అంతర్జాతీయ ప్రమాణాలతో ఆధునికీకరించారు. 15 ప్రభుత్వ పాఠశాలలను దాతలు దత్తత తీసుకోవడంలో కూడా ఆయన పాత్ర ఉంది. రానున్న రోజుల్లో మరింత మంది విద్యార్థులకు రెండో విడత సైకిళ్లను అందించేందుకు చర్యలు తీసుకుంటున్నట్లు మంత్రి నారాయణ తెలిపారు.