కాళేశ్వరం అంశంపై KCR పై మంత్రి పొంగులేటి శ్రీనివాస్ రెడ్డి ఫైర్

మంత్రి పొంగులేటి శ్రీనివాస్ రెడ్డి మేడిగడ్డ ప్రాజెక్టు ప్రతి పిల్లర్‌లోనూ BRS అవినీతి కనిపిస్తుందని ఆరోపించారు. కాళేశ్వరం కట్టామని చెప్పుకునే పెద్ద మనిషి అసెంబ్లీకి వచ్చి చేసిన తప్పులు చెప్పి పాపాలు కడుక్కోవాలని సవాల్ చేశారు. BRS చిత్తశుద్ధి లేకపోవడంతోనే కాళేశ్వరం కూలిందని విమర్శించారు. BRS సలహాలు ఇస్తామంటే అసెంబ్లీ పెడతామని స్పష్టం చేశారు.

సిద్దిపేట జిల్లా ములుగులో ఇందిరమ్మ ఇండ్ల పంపిణీలో మంత్రి వివేక్ వెంకట స్వామి పాల్గొన్నారు. పేదవారి సొంతింటి కలను నెరవేర్చడానికి కాంగ్రెస్ ప్రభుత్వం కట్టుబడి ఉందని చెప్పారు. ఇందిరమ్మ ఇండ్ల స్కీమ్‌ను ప్రధాని మోదీ కూడా మెచ్చుకున్నారని తెలిపారు. ప్రతి నియోజకవర్గానికి 2000 ఇళ్ళు మంజూరు చేయడం జరిగిందని పేర్కొన్నారు.

మంత్రి శ్రీధర్ బాబు సిద్దిపేట జిల్లా కర్కపట్లలోని బయోటెక్ పార్క్‌లో సీరో ఫార్మాను ప్రారంభించారు. తెలంగాణలో 2000 ఫార్మా కంపెనీలు ఉన్నాయని, ప్రపంచ స్థాయి మందుల్లో 40 శాతం తెలంగాణలో తయారవుతున్నాయని చెప్పారు. ఫ్యూచర్ సిటీని అడ్డుకుంటున్న వారిపై మంత్రి ఆగ్రహం వ్యక్తం చేశారు.

మంత్రి సీతక్క BRS పాలనలో KCR మరియు KTR సంపాదన తప్ప ప్రజల సమస్యలను పట్టించుకోలేదని ఆరోపించారు. కాళేశ్వరం పేరుతో లక్షన్నర కోట్ల రూపాయలు గంగపాలు చేశారని మండిపడ్డారు. KCR అసెంబ్లీకి రాకుండా అధికారం కావాలని కోరుకోవడం సరికాదని హెచ్చరించారు.

మంత్రి పొన్నం ప్రభాకర్ రాముడి పేరుతో రాజకీయం చేసేవారిని ప్రజలు గమనించాలని హెచ్చరించారు. అయోధ్య హుండీ దొంగతనం దేశ హిందువులందరికీ అవమానమని అన్నారు. BJP పై విమర్శలు గుప్పించారు.

మంత్రి ఉత్తం కుమార్ రెడ్డి రక్షణ, అంతరిక్ష పరిశోధనలు, శాస్త్ర సాంకేతిక రంగాల్లో తెలంగాణ యువత సత్తా చాటాలని పిలుపు ఇచ్చారు. బెంగళూరులోని ఇన్స్టిట్యూట్ ఆఫ్ ఏరోస్పేస్ మెడిసిన్ ప్రోగ్రాం పూర్తి చేసిన మహబూబ్‌నగర్ NCC క్యాండిడేట్ యాదయ్యను అభినందించారు.