మిర్యాలగూడ రావుల శ్రీనివాస్.. ప్లకార్డులతో చెట్ల పరిరక్షణ అవగాహన

నల్గొండ జిల్లా మిర్యాలగూడకు చెందిన రావుల శ్రీనివాస్ చెట్ల నరికివేతపై అవగాహన కలిగించేందుకు ప్రధాన కూడళ్లలో ప్లకార్డులు పట్టుకుని మౌనంగా నిలబడుతున్నారు. 'Save Trees Save Earth' నినాదంతో ఆయన రోజూ మిర్యాలగూడ టౌన్‌లో ఈ కార్యక్రమం చేస్తున్నారు.

చెట్లు నరికిన ప్రాంతాలను ఎంచుకుని ఆయన నిరసన తెలుపుతున్నారు. మాటలతో కాకుండా చేతలతో ప్రజలకు సందేశం అందించాలనేది ఆయన ఆలోచన. ఒక్కరిలోనైనా మార్పు వస్తే తన ప్రయత్నం ఫలించినట్టేనని ఆయన చెబుతున్నారు.

ఎండాకాలంలో ప్రకృతి నుంచి విత్తనాలు సేకరించి నర్సరీలో మొక్కలు పెంచుతారు. ఆ మొక్కలను ప్రజలకు ఉచితంగా ఇస్తారు. ఇప్పటివరకు 1000 మొక్కలు నాటారు. మరో 2000 మొక్కలను ఉచితంగా పంపిణీ చేశారు.

"మనుషులు చెట్లను, అడవులను ధ్వంసం చేస్తున్నారు. దీని వల్ల ప్రకృతి వైపరీత్యాలు వస్తున్నాయి. ఆరు సంవత్సరాల నుంచి చెట్లు కాపాడాలి, చెట్లు నాటాలి అనే అవగాహన కార్యక్రమాలు చేస్తున్నాను" అని శ్రీనివాస్ తెలిపారు.

శ్రీనివాస్ M.Sc Biochemistry, M.Sc Organic Chemistry పూర్తి చేశారు. గతంలో పలు ప్రైవేట్ పాఠశాలలు, కళాశాలల్లో పని చేశారు. 2020 నుంచి పర్యావరణ పరిరక్షణను లక్ష్యంగా తన కృషిని కొనసాగిస్తున్నారు.

ఆయన కార్యక్రమం మిర్యాలగూడకే పరిమితం కాలేదు. వేములపల్లి, నల్గొండ వంటి ప్రాంతాలకూ అవగాహన కార్యక్రమాలను విస్తరించారు.