పటాన్‌చెరు: Gift a Smile కార్యక్రమంలో వీడియో వైరల్‌తో 17 రోజుల తప్పిపోయిన బాలుడు తల్లిదండ్రులకు కలిశాడు

పటాన్‌చెరులోని ఒక వికలాంగుల గృహంలో జూలై 24న కేటీఆర్ జన్మదినం సందర్భంగా Gift a Smile కార్యక్రమం నిర్వహించారు. ఈ సందర్భంగా మధ్యాహ్న భోజనం అందజేస్తూ, మహేష్ అనే బాలుడు తనతో తీసుకెళ్లండంటూ ఏడవడం నిర్వాహకులు వీడియో రికార్డు చేశారు. వారు ఆ వీడియోను సోషల్ మీడియాలో పోస్ట్ చేయగా, అది వైరల్ అయ్యింది.

17 రోజులుగా తప్పిపోయిన తన కుమారుడి కోసం వెతుకుతున్న మల్లేష్ గౌడ, మంజులమ్మలకు ఈ వీడియో కనిపించింది. వారు వెంటనే కార్యక్రమ నిర్వాహకుడు ఇక్బాల్‌ను సంప్రదించారు. తన బిడ్డే అని నిర్ధారించుకున్న దంపతులు అక్కడికి చేరుకుని మహేష్‌ను స్వీకరించారు.

పోలీసులకు అప్పటికే తప్పిపోయిన ఫిర్యాదు చేశారని, సోషల్ మీడియా వల్లే కుటుంబం కలిసిందని నిర్వాహకులు తెలిపారు. ఈ ఘటనతో తాము చాలా సంతోషంగా ఉన్నామని కుటుంబ సభ్యులు చెప్పారు.