మియాపూర్ మ్యాన్హోల్లో పడి గల్లంతైన బాలయ్య ఆచూకీ లేదు; సహాయక చర్యలు తాత్కాలిక నిలిపివేత
హైదరాబాద్లోని మియాపూర్ వైశాలి నగర్లో నిన్న రాత్రి ఓ నాలాలో పడి బాలయ్య అనే వ్యక్తి గల్లంతయ్యారు. 24 గంటలు గడిచినా ఆయన ఆచూకీ లభించలేదు.
హైడ్రా, జీహెచ్ఎంసీ, అగ్నిమాపక, ఎన్డీఆర్ఎఫ్ సిబ్బంది ఈ ప్రాంతంలో విస్తృతంగా గాలింపు చర్యలు జరిపారు. సుమారు 400 మీటర్ల మేర విస్తరించిన ఇరుకైన పైప్లైన్లో బీఏ సెట్లు ధరించి, రక్షణ గేర్తో సిబ్బంది భౌతికంగా దిగి వెతికారు. అయితే, నాలాలో ప్రవాహం, బురద ఎక్కువగా ఉండటంతో గాలింపు ఇబ్బందులైంది.
ఫైర్ అధికారులు తెలిపిన వివరాల ప్రకారం, రాత్రిపూట భారీ వర్షం కారణంగా నీటి ప్రవాహం పెరిగింది. దీంతో బాలయ్య ఎక్కడికి కొట్టుకుపోయాడో గుర్తించలేకపోవడంతో రాత్రి సహాయక చర్యలు నిలిపివేశారు. వర్షం తగ్గాక గురువారం ఉదయం నుంచి తిరిగి గాలింపు ప్రారంభిస్తామని అధికారులు పేర్కొన్నారు. ఇర్ల చెరువు వైపు కూడా వెతుకుతున్నారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
