కంటోన్మెంట్ ఎమ్మెల్యే శ్రీ గణేష్ రవి కాలనీ పార్క్లో ఓపెన్ జిమ్ ప్రారంభం

సికింద్రాబాద్ కంటోన్మెంట్ ఎమ్మెల్యే శ్రీ గణేష్ మహేంద్ర హిల్స్ లోని రవి కాలనీ పార్క్ లో ఓపెన్ జిమ్ ను ప్రారంభించారు. ఈ కార్యక్రమంలో స్థానికులు పాల్గొన్నారు.

ఈ సందర్భంగా ఎమ్మెల్యే మాట్లాడుతూ, కంటోన్మెంట్ ను అభివృద్ధి చేయడంతో పాటు ప్రజలందరూ ఆరోగ్యంగా, ఫిట్‌గా ఉండాలనే ఉద్దేశంతో ఓపెన్ జిమ్ లను ఏర్పాటు చేస్తున్నామని తెలిపారు. పార్కుల్లో నడక మాత్రమే కాకుండా, వ్యాయామం చేయాలనుకునే వారికి, ముఖ్యంగా జిమ్‌కు వెళ్లలేని వృద్ధులకు ఇది ఉపయోగకరంగా ఉంటుందని ఆయన వివరించారు.

ప్రజలకు అందుబాటులో ఉండేలా వివిధ కాలనీల్లో ఇలాంటి ఓపెన్ జిమ్ లను ఏర్పాటు చేయాలని ప్రణాళికలు ఉన్నట్లు ఆయన పేర్కొన్నారు. ఇప్పటికే పలు ప్రాంతాల్లో ఈ సౌకర్యం కల్పించామని, మిగతా చోట్ల కూడా దశలవారీగా ఏర్పాటు చేస్తామని శ్రీ గణేష్ తెలిపారు.

కంటోన్మెంట్ ప్రజలకు మెరుగైన మౌలిక సదుపాయాలు, ఆరోగ్య సదుపాయాలు కల్పించడం తమ ప్రభుత్వ లక్ష్యమని ఆయన ఈ సందర్భంగా స్పష్టం చేశారు.