పోలీస్ అధికారి మైనర్ మనవరాలితో కారు నడిపించి ట్రాఫిక్ జాం; స్థానికుల నిరసన

రంగారెడ్డి జిల్లా రాజేంద్రనగర్‌లో హైదర్ షాకోట్ నుంచి గంధంగోడ వెళ్లే రహదారిపై ఓ పోలీస్ అధికారి తన మైనర్ మనవరాలితో కారు నడిపించిన ఘటన చోటుచేసుకుంది. బాలిక నెమ్మదిగా, అస్తవ్యస్తంగా వాహనం నడుపుతుండడంతో ట్రాఫిక్ జామ్ అయింది.

కారును పరిశీలించగా డ్రైవింగ్ సీట్లో మైనర్ బాలిక కూర్చొని ఉన్నట్లు స్థానికులు గుర్తించారు. ప్రశ్నించగా, బాలిక "మా తాత పోలీస్" అని సమాధానం చెప్పింది. కారులోని పోలీస్ అధికారి స్థానికులపై దురుసుగా ప్రవర్తించారని, రోడ్డు తమ సొంతమని వాదించారని ప్రత్యక్ష సాక్షులు తెలిపారు.

ఘటనపై స్థానికులు తీవ్ర ఆగ్రహం వ్యక్తం చేశారు. రూల్స్ పాటించాలని ప్రజలకు చెప్పే పోలీసులే నిబంధనలు ఉల్లంఘించడం సరికాదని, ప్రమాదం జరిగితే బాధ్యత ఎవరిదని ప్రశ్నించారు. ఉన్నతాధికారులు చర్యలు తీసుకోవాలని డిమాండ్ చేశారు.