బులంద్ షహర్ కోర్టులో లాయర్ డబ్బుల బ్యాగ్ ఎత్తుకెళ్లిన కోతి; నోట్లు చెల్లాచెదురు

ఉత్తరప్రదేశ్ లోని బులంద్ షహర్ కోర్టు ప్రాంగణంలో ఓ కోతి లాయర్ వద్ద ఉన్న డబ్బుల బ్యాగ్ ఎత్తుకెళ్లింది.

స్టాంప్ పేపర్లు కొనేందుకు వచ్చిన న్యాయవాది రవీంద్ర, అతని సహచరుడు అమీర్ వద్ద దాదాపు రెండు లక్షల రూపాయల నగదు ఉన్న బ్యాగ్ ను కోతి లాక్కుంది.

ఆ తర్వాత కోతి చెట్టు పైకి వెళ్లి బ్యాగ్ మొత్తం చించేసింది. దీంతో కరెన్సీ నోట్లు రోడ్డుపై చెల్లాచెదురుగా పడ్డాయి.

అక్కడే ఉన్న స్థానికులు, రవీంద్ర, అమీర్ కలిసి నోట్లను సేకరించారు. చివరికి లెక్కించగా దాదాపు మొత్తం సొమ్ము తిరిగి వచ్చిందని తెలిసింది.

ఈ ఘటనకు సంబంధించిన వీడియోను ఎవరో సోషల్ మీడియాలో పోస్ట్ చేయగా, అది నెట్ ఇంట్లో షేర్ అవుతోంది.