నారా భువనేశ్వరి కుప్పంలో నాలుగు రోజుల పర్యటన ప్రారంభం

చిత్తూరు జిల్లా కుప్పం నియోజకవర్గంలో నారా భువనేశ్వరి నాలుగు రోజుల పర్యటన ప్రారంభించారు. తొలి రోజు శాంతిపురంలోని తన నివాసంలో ప్రజల నుంచి వినతి పత్రాలు స్వీకరించారు. సమస్యల పరిష్కారానికి కృషి చేస్తామని హామీ ఇచ్చారు.

రామకుప్ప మండలం విజలాపురంలోని జెడ్పి హైస్కూలును సందర్శించారు. విద్యార్థులతో మాట్లాడి, వారి చదువు, మధ్యాహ్న భోజనం గురించి వివరాలు అడిగి తెలుసుకున్నారు. విద్యార్థులకు చాక్లెట్లు పంచిపెట్టారు.

అనంతరం హంద్రి-నీవా కృష్ణా జలాలతో నిండిన విజలాపురం చెరువును పరిశీలించారు. రైతులు, స్థానికులతో సమస్యలపై చర్చించారు. ఈ పర్యటనలో ప్రజల సమస్యలపై ప్రత్యేక దృష్టి పెడతానని తెలిపారు.