నరదిష్టి నివారణకు ఎరుపు వస్త్రం, సముద్రపు ఉప్పుతో సంప్రదాయ చిట్కా

జ్యోతిష్య పరంగా, నరదిష్టి (చెడు చూపు) వల్ల ఇంట్లో కలహాలు, అనారోగ్యాలు, వ్యాపార నష్టాలు సంభవించవచ్చని చెబుతారు. ఈ ప్రభావాన్ని తగ్గించేందుకు పెద్దలు కొన్ని సరళ పరిహారాలను సూచించారు.

అందులో ముఖ్యమైనది: ఎరుపు రంగు గుడ్డలో సముద్రపు ఉప్పును పోసి మూట కట్టి, ఇంటి ప్రధాన ద్వారానికి లేదా దుకాణం ఎదుట కట్టాలి. ప్రతి శుక్రవారం పాత ఉప్పును నీటిలో వేసి, కొత్త ఉప్పు మార్చాలని సలహా ఇస్తారు.

అదేవిధంగా, ప్రతి శుక్రవారం ఇంట్లో సాంబ్రాణి ధూపం వేయడం, పచ్చకర్పూరంతో హారతి ఇవ్వడం వల్ల వాస్తు దోషాలు, దృష్టి దోషాలు తొలగిపోతాయని నమ్మకం. సింహద్వారానికి దృష్టి గణపతి చిత్రాన్ని పెట్టుకోవడం కూడా మంచి ఫలితాన్నిస్తుందని చెబుతారు.