నరసరావుపేట: బ్యాలెట్ బాక్సుల్లో ఓటర్ల వినతి పత్రాలు బయటపడ్డాయి

నరసరావుపేటలోని కౌంటింగ్ కేంద్రంలో బ్యాలెట్ బాక్సుల నుంచి వినతి పత్రాలు బయటపడ్డాయి. సత్తనపల్లి మండలం కంకణాలపల్లి గ్రామ ఓటర్లు ఓటుతో పాటు ఈ పత్రాలను బాక్సుల్లో వేసినట్టు గుర్తించారు.

కంకణాలపల్లికి సంబంధించిన 113, 114 బూతులు ఉన్నాయి. ఈ రెండు బూతుల్లో మొత్తం 1,300 ఓట్లు ఉండగా, 900 ఓట్లు పడ్డాయి. వీటిలో దాదాపు 700 ఓట్లతో పాటు వినతి పత్రాలు ఉన్నట్టు అధికారులు గుర్తించారు.

గ్రామ సమస్యలు పరిష్కరించాలని పత్రాల్లో కోరారు. గ్రామానికి సమీపంలో U ఆకారంలో నిర్మిస్తున్న రైల్వే ఓవర్ బ్రిడ్జ్ అండర్ పాస్ వల్ల ఇబ్బందులు ఉన్నాయని పేర్కొన్నారు. గేదలు, పశువులతో పొలాలకు వెళ్లడంలో ఇబ్బంది ఉందని తెలిపారు. బ్రిడ్జిని ప్రధాన రహదారికి లింక్ చేయాలని కోరారు. CM, Deputy CM జోక్యం చేసుకోవాలని విజ్ఞప్తి చేశారు.

ఈ సమస్యను గ్రామస్తులు ఇదివరకే ప్రజా ప్రతినిధుల దృష్టికి తీసుకెళ్లారు. నిరసనలు, ధర్నాలు చేశారు. రైల్వే అధికారులు ఇప్పటికే ఈ పనికి అనుమతి ఇచ్చినట్టు తెలుస్తోంది. నిర్మాణం కొనసాగుతోంది.

పక్కనే ఉన్న ఎన్నాదేవి గ్రామంలోని రెండు బూతుల్లోనూ ఇలాంటి పత్రాలు వేసినట్టు స్థానికులు చెబుతున్నారు. అయితే అధికారులు మాత్రం కంకణాలపల్లి బూతుల్లో దొరికిన పత్రాలను మాత్రమే ధ్రువీకరించారు.