నెల్లూరు బారా షహీద్ దర్గాలో రొట్టెల పండుగ తొలిరోజు భక్తులతో సందడి

నెల్లూరులోని బారా షహీద్ దర్గాలో రొట్టెల పండుగ తొలిరోజు ప్రారంభమైంది. ఏపీ, పొరుగు రాష్ట్రాల నుంచి వేలాది మంది భక్తులు హాజరయ్యారు.

భక్తులు దర్గాను దర్శించుకున్న అనంతరం స్వర్ణాల చెరువులో తమ కోరికల రొట్టెలను వదిలే ఆచారాన్ని నిర్వహించారు. కోరిక తీరిన వారు కృతజ్ఞతతో తిరిగి రొట్టెలు సమర్పించే సంప్రదాయం ఇక్కడ కొనసాగుతోంది.

ఒంగోలు, చీరాల, కుప్పం, తిరుపతి, కందుకూరు, బెంగళూరు నుంచి వచ్చిన భక్తులు ఉద్యోగం, పెళ్లి, వ్యాపారం, ఇల్లు వంటి కోరికల కోసం రొట్టెలు వదిలినట్లు తెలిపారు. కొందరు తొలిసారి రాగా, మరికొందరు గతంలో కోరిక నెరవేరడంతో మళ్లీ వచ్చినట్లు చెప్పారు.