నిజామాబాద్ మాధవ్‌నగర్ ROB కి ₹8.68 కోట్ల రాష్ట్ర వాటా విడుదల

నిజామాబాద్ జిల్లాలోని మాధవ్‌నగర్‌లో రైల్వే ఓవర్‌బ్రిడ్జ్ (ROB) నిర్మాణానికి రాష్ట్ర ప్రభుత్వం పరిపాలనా అనుమతి ఇచ్చింది. ఈ ప్రాజెక్టులో రాష్ట్ర వాటా ₹8.68 కోట్లను విడుదల చేశారు.

దీచ్‌పల్లి, నిజామాబాద్ రైల్వే స్టేషన్ల మధ్య లెవల్ క్రాసింగ్ నంబర్ 193 వద్ద ఈ బ్రిడ్జ్ నిర్మిస్తారు. ప్రాజెక్టు మొత్తం వ్యయం ₹101.80 కోట్లుగా నిర్ణయించారు. గతంలో ఈ పనులకు ₹93.12 కోట్లు మంజూరు అయ్యాయి. అంచనా వ్యయం ఇప్పుడు ₹8.68 కోట్లు పెరిగింది.

ఈ మేరకు రోడ్లు, భవనాల శాఖ GO నంబర్ 568 జారీ చేసింది.

నిధులు విడుదల చేయడంలో సహకరించిన డిప్యూటీ CM భట్టి విక్రమార్కకు BJP MP ధర్మపురి అరవింద్ కృతజ్ఞతలు తెలిపారు. పెండింగ్‌లో ఉన్న ROB నిధుల కోసం ఆయన గత కొన్ని రోజులుగా ప్రయత్నిస్తూ వచ్చారు.