నిజామాబాద్‌లో 823 స్కూల్ బస్సుల్లో కేవలం 171కే fitness సర్టిఫికెట్లు

నిజామాబాద్ జిల్లాలో 823 పాఠశాల, కళాశాల బస్సులు నమోదయి ఉన్నాయి. వాటిలో ఇప్పటి వరకు కేవలం 171 బస్సులకు మాత్రమే fitness పరీక్షలు పూర్తయ్యాయి. మూడు వారాల్లో కొత్త academic year మొదలు కానుంది.

జిల్లా ఇంచార్జ్ రవాణా అధికారి శ్రీనివాస్ మాట్లాడుతూ, fitness రిన్యూవల్ గడువు మే 15కి ముగిసిందని తెలిపారు. బస్సు యజమాన్యాలు పూర్తి పత్రాలు సమర్పించిన తర్వాతే fitness సర్టిఫికెట్లు జారీ చేస్తున్నట్లు ఆయన చెప్పారు. నిజామాబాద్, ఆర్మూర్, బోధన్ రవాణా కార్యాలయాల్లో ఈ పరీక్షలు నిర్వహిస్తున్నారు.

ఇటీవల ఆర్మూర్‌లో ఒక స్కూల్ బస్సుకు నిబంధనలు పాటించనందుకు రూ. 70,000-75,000 జరిమానా విధించారని అధికారి శ్రీనివాస్ తెలిపారు. GO MS నెంబర్ 35 నిబంధనలు పాటించని బస్సులను సీజ్ చేస్తామని ఆయన హెచ్చరించారు.

డ్రైవర్ వివరాలు, attendant ఫోటో, licence అన్నీ అప్‌లోడ్ చేసిన తర్వాతే fitness కౌంటర్ అందుతుందని అధికారి వివరించారు. ఆటోలలో విద్యార్థులను పంపించే తల్లిదండ్రులకు అవగాహన కార్యక్రమాలు నిర్వహిస్తున్నామని ఆయన చెప్పారు. enforcement teams రోడ్లపై నిరంతరం తనిఖీలు చేస్తున్నాయని తెలిపారు.