జూలై 13, 1931 అమరవీరులను BMP నిర్లక్ష్యం చేస్తోంది: జమ్మూ కాశ్మీర్ సీఎం ఒమర్ అబ్దుల్లా

జమ్మూ కాశ్మీర్ ముఖ్యమంత్రి ఒమర్ అబ్దుల్లా బీజేపీపై తీవ్ర విమర్శలు చేశారు. 1931 జూలై 13న డోగ్రా పాలకుల తుపాకీ గుండ్లకు బలైన అమరవీరులను మత ప్రాతిపదికన నిర్లక్ష్యం చేస్తోందని ఆరోపించారు.

ఒక కార్యక్రమంలో మాట్లాడుతూ, ఈ ఉద్యమాన్ని మతం కోణంలో మాత్రమే చూస్తున్నారని, అమరవీరులు ముస్లింలు కావడంతో పాటు అప్పటి మహారాజా హిందువు కావడంతోనే ఈ నిర్లక్ష్యం జరుగుతోందని వివరించారు. అయితే ఆ పోరాటం మతపరమైనది కాదని, ప్రజాస్వామ్యం, సూత్రాలు, బ్రిటిష్ వారిపై స్వాతంత్య్ర సమరంలో భాగమని ఆయన స్పష్టం చేశారు.

జమ్మూ కాశ్మీర్లో ప్రతి ఏటా జూలై 13ని అమరవీరుల దినంగా గుర్తిస్తారు. 1931లో శ్రీనగర్లోని సెంట్రల్ జైలు ఎదుట డోగ్రా సైన్యం జరిపిన కాల్పుల్లో 22 మంది ప్రాణాలు కోల్పోయారు. ఆ ఘటన రాష్ట్ర రాజకీయాల్లో ఇప్పటికీ సున్నితమైన అంశంగా మిగిలింది.

ఈ వ్యాఖ్యలు బీజేపీపై మతపరమైన వివక్ష ఆరోపణలను తెరపైకి తెచ్చాయి. ఒమర్ వ్యాఖ్యలపై బీజేపీ స్పందించాల్సి ఉంది.