రాయదుర్గంలో శ్రీ పాండురంగస్వామి రథోత్సవం

అనంతపురం జిల్లా రాయదుర్గంలో శ్రీ పాండురంగస్వామి రథోత్సవం భక్తి శ్రద్ధలతో జరిగింది. ఎన్టీఆర్ కాలనీలోని శ్రీ పాండురంగస్వామి ఆలయం నుంచి అలంకరించిన రథంపై స్వామివారు, రుక్మిణి దేవి ఉత్సవ మూర్తులను ఊరేగింపుగా తీసుకెళ్లారు. గోవింద నామస్మరణతో పట్టణ ప్రధాన వీధుల్లో రథయాత్ర సాగింది.

ఆషాడ శుద్ధ ఏకాదశి సందర్భంగా ఉదయం శోడశోపచార పూజ, పంచామృత అభిషేకం నిర్వహించారు. నారాయణ సూక్తం, శ్రీ సూక్తం, గురు సూక్తం పఠించి మహానివేదన చేశారు. ఈ సందర్భంగా భక్తులకు తీర్థ ప్రసాదాలు అందించారు.

ఈ ఆలయం 1939లో స్వరసా సమాజ బాంధవులు నిర్మించారు. పరాభవ నామ సంవత్సరంలో ఈ రథోత్సవం నిర్వహించారు.