పార్లమెంట్ సమావేశాలు చివరి దశలో; కేంద్రం ఎఫ్సిఆర్ఎ, నియోజకవర్గాల పునర్విభజన బిల్లులు ప్రవేశపెట్టే అవకాశం

పార్లమెంట్ వానాకాల సమావేశాలు చివరి దశకు చేరుకున్నాయి. ఈ సమావేశాలు ముగియడానికి ఇంకా నాలుగు రోజులు మాత్రమే మిగిలి ఉన్నాయి.

ఈ నేపథ్యంలో కేంద్ర ప్రభుత్వం విదేశీ విరాళాల చట్ట సవరణ (FCRA) బిల్లు, నియోజకవర్గాల పునర్విభజన బిల్లును ప్రవేశపెట్టేందుకు సిద్ధమైంది.

కాంగ్రెస్ పార్టీ తన లోక్సభ, రాజ్యసభ ఎంపీలకు విప్ జారీ చేసింది. జులై 10, 11, 12 తేదీల్లో ఉదయం 11 గంటల నుంచి సభ ముగిసే వరకు హాజరు కావాలని, పార్టీ వైఖరికి మద్దతుగా నిలవాలని ఆదేశించింది.

విపక్షాలు నీట్ పేపర్ లీక్, అయోధ్య రామాలయ విరాళాల చోరి, విద్యార్థులపై పోలీసుల చర్యల వంటి అంశాలపై చర్చకు పట్టుబడుతున్నాయి. విద్యార్థులపై చర్యలకు ఎవరు ఆదేశాలు ఇచ్చారనే దానిపై కేంద్ర హోమ్ మంత్రి అమిత్ షా సమాధానం చెప్పాలని కాంగ్రెస్ డిమాండ్ చేస్తోంది. అయితే అమిత్ షా ఇప్పటివరకు సభకు హాజరు కాలేదు, ప్రత్యక్షంగా స్పందించలేదు.

గత వారం ఇదే అంశాలపై ప్రతిపక్షాల ఆందోళనలతో ఉభయ సభలు వాయిదా పడ్డాయి. ఇవాళ కూడా ఈ అంశాలపై చర్చకు కాంగ్రెస్ డిమాండ్ చేయనుంది.