భారత్ తొలి హైడ్రోజన్ రైలును ప్రారంభించనున్న ప్రధాని మోదీ

ప్రధాని మోదీ నేడు భారతదేశపు మొట్టమొదటి హైడ్రోజన్ రైలును జాతికి అంకితం చేయనున్నారు. పూర్తి స్వదేశీ పరిజ్ఞానంతో ఈ రైలు రూపొందించబడింది.

హర్యానాలోని జింద్-సోనిపట్ మార్గంలో 89 కిలోమీటర్ల పైలట్ ప్రాజెక్టుగా ఈ రైలు సేవలు ప్రారంభం కానున్నాయి. ఈ రైలుకు 10 కోచులు ఉండగా, ప్రపంచంలోని అత్యంత శక్తిమంతమైన హైడ్రోజన్ రైళ్లలో ఒకటిగా నిలుస్తుంది.

చెన్నైలోని ఇంటిగ్రల్ కోచ్ ఫ్యాక్టరీ (ICF) ఈ రైలును అభివృద్ధి చేసింది. డీజిల్ ఇంజిన్తో నడిచే డెమో రైలును ఆధునీకరించి 1200 కిలోవాట్ల సామర్థ్యం గల హైడ్రోజన్ ఫ్యూయల్ సెల్ వ్యవస్థను అమర్చారు. హైడ్రోజన్, ఆక్సిజన్ కలయికతో విద్యుత్తు ఉత్పత్తి అవుతుంది, వ్యర్థంగా నీటి ఆవిరి మాత్రమే వెలువడుతుంది. దీనివల్ల పర్యావరణానికి ఎలాంటి కాలుష్యం ఉండదు.

గంటకు 75 కిలోమీటర్ల వేగంతో ప్రయాణించే ఈ రైలులో దాదాపు 2,600 మంది ప్రయాణించవచ్చు. టికెట్ ధరలు సామాన్యులకు అందుబాటులో ఉండేలా నిర్ణయించామని అధికారులు తెలిపారు.