40 ఏళ్ల తర్వాత న్యూజిలాండ్‌లో భారత ప్రధాని పర్యటన, సుంకాల రద్దు ప్రకటన

40 ఏళ్ల తర్వాత భారత ప్రధాని ఒకరు న్యూజిలాండ్‌లో పర్యటిస్తున్నారు. ప్రధాని నరేంద్ర మోదీ మూడు దేశాల పర్యటనలో భాగంగా న్యూజిలాండ్‌లోని ఆక్లాండ్‌కు చేరుకున్నారు. విమానాశ్రయంలో ఆయనకు స్వాగతం లభించింది.

రెండు రోజుల ఈ పర్యటనలో వాణిజ్యం, రక్షణ, అభివృద్ధి వంటి అంశాలపై చర్చలు జరగనున్నాయి. ఇరు దేశాల నేతలు వాణిజ్య ఒప్పందాలపై ప్రత్యేక దృష్టి పెట్టనున్నారు.

పర్యటనకు ముందే న్యూజిలాండ్ ప్రధాని క్రిస్టోఫర్ లూక్సాన్ కీలక ప్రకటన చేశారు. భారత్‌కు ఎగుమతి అవుతున్న వస్తువుల్లో 57% ఉత్పత్తులపై సుంకాలు ఇక ఉండబోవని తెలిపారు. ఈ నిర్ణయం వాణిజ్య ఒప్పందం మొదటి రోజు నుంచి అమల్లోకి వస్తుందని వివరించారు.

దీంతో న్యూజిలాండ్ ఉత్పత్తులకు భారత మార్కెట్లో విస్తృత ప్రవేశం లభిస్తుందని న్యూజిలాండ్ ప్రధాని తెలిపారు.