ప్రకాశం: వికలాంగ బాలుడిని క్షుద్ర పూజలతో హత్య చేసిన మహిళ

ప్రకాశం జిల్లాలో ఒక వికలాంగ బాలుడు క్షుద్ర పూజల పేరుతో హత్యకు గురయ్యాడు. మొబీనా అనే మహిళ ఈ నేరం చేసినట్లు ఆరోపణ.

బాధిత కుటుంబం తెలిపిన వివరాల ప్రకారం, బాలుడి వైకల్యాన్ని నయం చేస్తానని మొబీనా తల్లిదండ్రులను నమ్మించింది. క్షుద్ర పూజలు చేస్తానని చెప్పి బాలుడిని తన ఇంటికి తీసుకెళ్లింది.

ఇంట్లో పూజల పేరుతో బాలుడిని తాళ్లతో కట్టి, తీవ్రంగా కొట్టడం వల్ల బాలుడు మృతి చెందాడు. అనంతరం శవం చుట్టూ పూజలు చేసి, బతికించానని నాటకాలు ఆడింది.

విషయం తెలిసిన బంధువులు, స్థానికులు మొబీనాపై దాడి చేసి పోలీసులకు సమాచారం ఇచ్చారు. పోలీసులు కేసు నమోదు చేసి ఆమెను అదుపులోకి తీసుకున్నారు. మృతదేహాన్ని పోస్ట్‌మార్టం నిమిత్తం ప్రభుత్వ ఆస్పత్రికి తరలించారు.

ఈ ఘటన జరిగిన ఇల్లు సుమారు నెలన్నర క్రితం అద్దెకు తీసుకున్నారు. ఓ వ్యక్తి మొబీనా, ఇద్దరు పిల్లలతో ఆ ఇంటికి వచ్చాడు. చుట్టుపక్కల వారు పసుపు, ఎర్రనీళ్లు వంటి ఆచారాలు గమనించి ప్రశ్నించగా, ఆ వ్యక్తి గొడవ చేసినట్లు ఇరుగుపొరుగు వారు తెలిపారు.