డిప్యూటీ సీఎం పవన్ కళ్యాణ్ ఆరోగ్యం కోసం కాకినాడలో ప్రత్యేక పూజలు

డిప్యూటీ సీఎం పవన్ కళ్యాణ్ ఇటీవల కుడి భుజానికి శస్త్రచికిత్స చేయించుకున్నారు. గత 10 సంవత్సరాలుగా రెండు భుజాల నొప్పితో ఆయన బాధపడుతున్నారు. వైద్యుల సూచనతో ఆపరేషన్ చేయించుకున్నారు.

ఈ నేపథ్యంలో కాకినాడ నూకాలమ్మ ఆలయంలో కౌడా చైర్మన్ తలాటం సత్య ఆధ్వర్యంలో ప్రత్యేక పూజలు నిర్వహించారు. విష్ణు సహస్రనామాలు, లలిత సహస్రనామాలు పారాయణం చేశారు. జనసేన కార్యకర్తలు, పవన్ కళ్యాణ్ అభిమానులు పెద్ద సంఖ్యలో హాజరయ్యారు.

తలాటం సత్య మాట్లాడుతూ, పవన్ కళ్యాణ్ త్వరగా కోలుకొని తిరిగి ప్రజా సేవలోకి రావాలని పూజలు నిర్వహించినట్లు తెలిపారు. ఈ పూజా కార్యక్రమాల ద్వారా ఆయన సంపూర్ణ ఆరోగ్యం కోసం ప్రార్థించారు.