హైదరాబాద్ జిమ్లలో స్టెరాయిడ్ ఇంజక్షన్ల అక్రమ విక్రయంపై ఎమ్మెల్యే రాజాసింగ్ సిపీకి లేఖ

హైదరాబాద్ లోని జిమ్లలో స్టెరాయిడ్ ఇంజక్షన్ల అక్రమ విక్రయం, వినియోగం పెరుగుతోందని గోషామహల్ ఎమ్మెల్యే టి రాజాసింగ్ హైదరాబాద్ సిటీ పోలీస్ కమిషనర్ కు లేఖ రాశారు.

ఈ ఇంజక్షన్ల వల్ల గుండె సంబంధిత సమస్యలు, హార్మోన్ల అసమతుల్యత వంటి తీవ్ర ఆరోగ్య ప్రమాదాలు ఉన్నాయని ఆయన ఈ లేఖలో పేర్కొన్నారు. అక్రమంగా విక్రయిస్తున్న ఈ ఇంజక్షన్లపై నియంత్రణ అవసరమని కోరారు.

స్టెరాయిడ్ దుర్వినియోగం వల్ల గుండెపోటు, కాలేయం దెబ్బతినడం వంటి ప్రమాదాలు ఉన్నాయని వైద్యులు హెచ్చరిస్తున్నారు. అయితే కొన్ని జిమ్లలో దీనిని చట్టవిరుద్ధంగా అందిస్తున్నట్లు ఫిర్యాదులు వస్తున్నాయి. రాజాసింగ్ చేసిన లేఖపై పోలీసులు ఇంకా స్పందించలేదు.