కృష్ణా జిల్లాలో రజాపురం గ్రామం: వందల సంవత్సరాలైనా అంతర్గత రోడ్లు లేవు

కృష్ణా జిల్లా మోపిదేవి మండలం పెదకళ్లేపల్లి పంచాయతీ పరిధిలోని రజాపురం గ్రామానికి అంతర్గత రహదారులు లేవు. ఈ గ్రామ చరిత్ర వందల సంవత్సరాలకు పైగా ఉన్నప్పటికీ, ఇప్పటివరకు ఒక్క రోడ్డు కూడా నిర్మించలేదని గ్రామస్థులు ఆవేదన వ్యక్తం చేస్తున్నారు.

గ్రామంలో దాదాపు 300 మంది జనాభా ఉండగా, 150 నివాస గృహాలు ఉన్నాయి. గ్రామాన్ని కలపడానికి బయటి రహదారి మాత్రమే ఉంది. NTR ముఖ్యమంత్రిగా ఉన్న సమయంలో నిర్మించిన ఆ బాహ్య రహదారి ప్రస్తుతం శిథిలావస్థలో ఉందని, పూర్తిగా గుంతలు పడిపోయాయని గ్రామస్థులు తెలిపారు.

అంతర్గత రహదారులు లేకపోవడంతో పలు సమస్యలు ఎదురవుతున్నాయి. వర్షాలు వస్తే బురదతో ప్రయాణం సాధ్యం కాదు. పిల్లలు స్కూల్‌కి వెళ్లడం కష్టంగా మారింది. ఎవరికైనా ఆరోగ్యం బాగోనప్పుడు ఆటోలు కూడా రావని, రోడ్డు సరిగా లేదని ఆటో డ్రైవర్లు రావడానికి అంగీకరించడం లేదని వారు చెప్పారు. పొరుగు గ్రామాల నుండి బస్సు కూడా రాలేని పరిస్థితి ఉంది.

ఈ సమస్యపై పలుమార్లు అధికారులకు అర్జీలు ఇచ్చినా ఎలాంటి ఫలితం లేదని గ్రామస్థులు పేర్కొన్నారు. వీధి వీధికీ సిమెంటు రోడ్లు వేయాలని వారి డిమాండ్. సమీపంలోని అడపవారి పాలెం, కుమరపాలెం గ్రామాలకు కూడా రహదారి సౌకర్యం లేదు. మొత్తం జనాభా 3000 మంది ఇబ్బంది పడుతున్నారు. 79 సంవత్సరాల నుండి ఈ సమస్య కొనసాగుతోందని వారు ఆవేదన వ్యక్తం చేశారు.