కానిపాకంలో రామచంద్ర యాదవ్ సత్యప్రమాణం; తాను ఎవరికీ బినామి కాదని వెల్లడి

చిత్తూరు జిల్లా కానిపాకంలోని వరసిద్ధి వినాయక స్వామి ఆలయంలో బీసీవై పార్టీ అధినేత రామచంద్ర యాదవ్ సత్యప్రమాణం చేశారు. ఆలయ పుష్కరిణిలో పవిత్ర స్నానం చేసిన తర్వాత స్వామి సన్నిధిలో ఆయన ప్రమాణం చేశారు.

తమిళనాడు మాజీ ముఖ్యమంత్రి జయలలిత, ఆమె సన్నిహితురాలు శశికల, ఆంధ్రప్రదేశ్ మాజీ ముఖ్యమంత్రి జగన్మోహన్ రెడ్డి వంటి వారికి తాను బినామిగా వ్యవహరిస్తున్నారనే ఆరోపణలు వచ్చిన నేపథ్యంలో ఈ ప్రమాణం చేశారు. ఈ ఆరోపణలన్నీ నిరాధారమైనవని ఆయన ఖండించారు.

వైఎస్సార్ కాంగ్రెస్ పార్టీ, జగన్మోహన్ రెడ్డి, పెద్దిరెడ్డి రామచంద్రారెడ్డిలతో తనకు ఎలాంటి వ్యక్తిగత, రాజకీయ, వ్యాపార సంబంధాలు లేవని కూడా ఆయన స్పష్టం చేశారు. బీసీవై పార్టీకి పెరుగుతున్న ఆదరణను చూసి రాజకీయంగా ఎదుర్కోలేక తనపై తప్పుడు ఆరోపణలు చేస్తున్నారని ఆయన ఆరోపించారు.

బహుజనులకు రాజ్యాధికారం వచ్చేవరకు బీసీవై పోరాటం కొనసాగిస్తుందని ఆయన ప్రకటించారు. ఈ ఆరోపణలపై సంబంధిత పార్టీల నుంచి స్పందన రావాల్సి ఉంది.