రోడ్లపై తిరుగుతున్న దంపతులను రక్షించి కుటుంబంలో చేర్చిన రామన్నపేట పోలీసులు

రామన్నపేటలో మానసిక సమస్యతో రోడ్లపై తిరుగుతున్న ఒక పురుషుడు, ఒక మహిళను పోలీసులు గుర్తించారు. వారిని చోటుప్పల్ లోని అమ్మ నాన్న అనాథ ఆశ్రమంలో చేర్చారు.

ఆశ్రమంలో వైద్య చికిత్స అందించిన తర్వాత వారి పేర్లు కృష్ణయ్య, పారిజాతగా గుర్తించారు. వీరు భార్యాభర్తలని తేలింది.

కృష్ణయ్య సోదరుడు గోపాల్‌కు సమాచారం ఇవ్వగా, ఆయన ఆశ్రమానికి వచ్చాడు. తన అన్న, వదినలకు మానసిక స్థిమితం లేదని, ఇప్పటి నుంచి వారి బాధ్యత తనదేనని చెప్పి ఇంటికి తీసుకెళ్లాడు.

ఈ ఘటనలో రామన్నపేట ఎస్ఐ నాగరాజు, సిఐ వెంకటేశ్వర్, ఎసి మసూదన్ రెడ్డి సహకరించినట్లు పోలీసులు తెలిపారు. ఇదివరకు కూడా పలువురు నిరాశ్రయులను ఇదే పోలీసులు ఈ ఆశ్రమానికి తరలించినట్లు వెల్లడించారు. 16 ఏళ్ల క్రితం శ్రీశంకర గురూజీ ఈ అమ్మ నాన్న అనాథ ఆశ్రమాన్ని స్థాపించారు.

ప్రస్తుతం కృష్ణయ్య, పారిజాత తమ కుటుంబ సభ్యుల వద్ద ఉన్నారు.