రామాయణం సినిమా మ్యూజిక్ హక్కులు రూ.75 కోట్లకు విక్రయం; పుష్ప రికార్డు బ్రేక్

దర్శకుడు నితీశ్ తివారి తెరకెక్కిస్తున్న రామాయణం చిత్రం మ్యూజిక్ హక్కులను టీ-సిరీస్ రూ.75 కోట్లకు కొనుగోలు చేసినట్లు సమాచారం.

రణవీర్ కపూర్ శ్రీరాముడిగా, సాయి పల్లవి సీతగా, యశ్ రావణాసురుడిగా నటిస్తున్న ఈ చిత్రాన్ని నమిత్ మల్హోత్రా నిర్మిస్తున్నారు. రెండు భాగాలుగా రూపొందుతున్న ఈ సినిమాకు సంబంధించిన మొత్తం మ్యూజిక్ హక్కులు కూడా ఈ ఒప్పందంలో ఉన్నాయి.

ఈ రూ.75 కోట్లు అడ్వాన్స్ రూపంలో చెల్లించినట్లు తెలుస్తోంది. అంతకుముందు పుష్ప-2 చిత్ర మ్యూజిక్ హక్కులు దాదాపు రూ.65 కోట్లకు అమ్ముడవ్వగా, రామాయణం డీల్ ఆ రికార్డును బద్దలుకొట్టినట్లు ఉత్తరాది నెటిజన్లు సోషల్ మీడియాలో పేర్కొంటున్నారు.

అయితే ఈ ఒప్పందం గురించి అధికారిక ప్రకటన ఇంకా రాలేదు. ట్రైలర్ విడుదలకు ముందే ఈ సినిమాపై భారీ అంచనాలు నెలకొన్నాయి.