టీఎంసీ అధ్యక్ష పదవి నుంచి మమతా బెనర్జీని తొలగించినట్లు రెబెల్ గ్రూప్ ప్రకటన

పశ్చిమ బెంగాల్లో తృణమూల్ కాంగ్రెస్ (టీఎంసీ) రెబెల్ గ్రూప్ పార్టీ వ్యవస్థాపకురాలు మమతా బెనర్జీని అధ్యక్ష పదవి నుంచి తొలగించినట్లు ప్రకటించింది.

అసెంబ్లీ ఎన్నికల్లో టీఎంసీ ఓటమి పాలైన తర్వాత మమతా బెనర్జీపై అసమ్మతి బలపడింది. కోల్‌కతాలోని న్యూ టౌన్ ప్రాంతంలో రెబెల్ ఎమ్మెల్యేలు, పార్టీ నేతలు సమావేశమయ్యారు. ఈ సమావేశంలో 500 మంది జిల్లా అధ్యక్షులు, కౌన్సిలర్లు, సీనియర్ నాయకులు పాల్గొన్నారు.

రెబెల్ గ్రూప్ నాయకుడు రితబ్రత బెనర్జీ మాట్లాడుతూ, 'మమతా బెనర్జీని పార్టీ అధ్యక్ష పదవి నుంచి తొలగించాం. ఈ నిర్ణయాన్ని ఎన్నికల సంఘానికి తెలియజేస్తాం' అని అన్నారు. తమదే అసలైన తృణమూల్ కాంగ్రెస్ అని ఆయన పేర్కొన్నారు.

కొత్తగా 30 మంది సభ్యులతో జాతీయ వర్కింగ్ కమిటీ ఏర్పాటు చేసినట్లు రితబ్రత బెనర్జీ తెలిపారు. ఎమ్మెల్యే అరూప్ రాయ్ ను చైర్‌పర్సన్ గా, మాజీ మేయర్ ఫర్హాద్ హకీం, అరూప్ బిశ్వాస్, రధిన్ ఘోష్, సబీనా యాస్మీన్ లను ఉపాధ్యక్షులుగా నియమించారు. రితబ్రత బెనర్జీ, జావేద్ ఖాన్, సందీపన్ సాహా లను ప్రధాన కార్యదర్శులుగా ప్రకటించారు.

మమతా బెనర్జీ పార్టీలో కొనసాగాలనుకుంటే ప్రధాన సలహాదారుగా ఉండాలని రితబ్రత సూచించారు. ఇదే సమావేశంలో మమతా బెనర్జీ, ఆమె అల్లుడు ఎంపీ అభిషేక్ బెనర్జీల ఫోటోలను పార్టీ పోస్టర్ల నుంచి తొలగించారు. ఈ పరిణామాలపై మమతా బెనర్జీ వర్గం నుంచి స్పందన లభించలేదు. రెబెల్ గ్రూప్ చట్టబద్ధత ఎన్నికల సంఘం నిర్ణయంపై ఆధారపడి ఉంటుంది.