రిక్రూటర్లు రెజ్యూమ్ను 7.4 సెకన్లలో చూస్తారు: జాబ్ సాధించడానికి కీలక చిట్కాలు

జాబ్ రిక్రూటర్లు మీ రెజ్యూమ్ను షార్ట్లిస్ట్ చేయడానికి కేవలం 7.4 సెకండ్ల సమయం మాత్రమే కేటాయిస్తారని లింక్డిన్ నిపుణులు చెబుతున్నారు. ఇంత తక్కువ సమయంలో మీ ప్రొఫైల్ షార్ట్లిస్ట్ కావాలంటే రెజ్యూమ్ సరళంగా, ఫలితాలతో కూడి ఉండాలి.

చాలామంది రెజ్యూమ్లో హార్డ్ వర్కర్, క్రియేటివ్ థింకింగ్, టీం లీడర్ వంటి పెద్ద పదాలు రాస్తారు. వీటిని రిక్రూటర్లు పట్టించుకోరు. బదులుగా, మీరు చేసిన పని నుండి స్పష్టమైన ఫలితాలను నెంబర్లతో రాయండి. ఉదాహరణకు, “సొంతంగా ఒక ప్రాజెక్ట్ నిర్మించాను” లేదా “వరుసగా ఐదేళ్లు సేల్స్లో టాప్ 5% లో ఉన్నాను” అనే వాస్తవాలు రాయండి.

రెజ్యూమ్ పై భాగంలో మొదట మీ స్కిల్స్ హైలైట్ చేయండి. మీరు అప్లై చేస్తున్న జాబ్కు అవసరమైన స్కిల్స్ మాత్రమే పేర్కొనండి. కంపెనీలు ఏఐ ద్వారా రెజ్యూమ్లను ఫిల్టర్ చేస్తున్నందున, జాబ్ డిస్క్రిప్షన్లో ఉన్న కీవర్డ్లను చేర్చడం చాలా ముఖ్యం.

లింక్డిన్ ప్రొఫైల్తో రెజ్యూమ్లో డేటా ఒకేలా ఉండేలా చూసుకోండి. తేడాలతో మీపై అనుమానం రావచ్చు. ఫార్మాటింగ్ విషయంలో మార్జిన్లు 0.8 అంగుళాల కంటే తక్కువ చేయకండి, ఫాంట్ సైజు 11 కన్నా తగ్గించొద్దు. రెజ్యూమ్ సులభంగా చదవడానికి ప్రొఫెషనల్గా ఉండాలి.

జాబ్ చేస్తున్నప్పుడు కూడా రెజ్యూమ్ను రెగ్యులర్గా అప్డేట్ చేయండి. వేర్వేరు ఉద్యోగాలకు దరఖాస్తు చేసేటప్పుడు రెజ్యూమ్ను ఆ పొజిషన్కి తగ్గట్లు మార్చుకోండి. చిన్న విషయాలన్నీ రాసే బదులు, జాబ్ అవసరాలతో సంబంధం ఉన్న వివరాలు మాత్రమే హైలైట్ చేస్తే సరిపోతుంది.