కాంగ్రెస్ బలహీనపడింది, BRS బలంగా ఉంది: రేణుక చౌదరి

సీనియర్ కాంగ్రెస్ నాయకురాలు రేణుక చౌదరి పార్టీ పరిస్థితిపై కీలక వ్యాఖ్యలు చేశారు. ఖమ్మం జిల్లాలో కాంగ్రెస్ నాయకురాలు మీనాక్షి నటరాజన్తో సమావేశమైన ఆమె, కాంగ్రెస్ పార్టీ బలహీనపడిందని, BRS బలంగా ఉందని అభిప్రాయపడ్డారు. ఏసీ గదుల్లో కూర్చుంటే సరిపోదని, ప్రజల హృదయాలను అర్థం చేసుకోవాలని రేవంత్ రెడ్డి ప్రభుత్వానికి సూచించారు.

తెలంగాణలో BRS ఇప్పుడు స్ట్రాంగ్ పార్టీగా మారిందని, కాంగ్రెస్ పూర్తిగా బలహీనపడిందని ఆమె చెప్పారు. వచ్చే ఎన్నికల్లో కాంగ్రెస్ సింగిల్ డిజిట్ సీట్లకు పరిమితం కావచ్చుననే ఆందోళన వ్యక్తం చేశారు. ప్రజలు KCR ను మళ్లీ ముఖ్యమంత్రిగా కోరుకుంటున్నారని కూడా ఆమె తెలిపారు. రేణుక చౌదరి చేసిన ఈ వ్యాఖ్యలు, ముఖ్యమంత్రి రేవంత్ రెడ్డి మధిర సభలో ప్రసంగించిన కొద్ది గంటల్లోనే వెలువడడం గమనార్హం.

రేణుక చౌదరి ఖమ్మం జిల్లాలో తన రాజకీయ భవిష్యత్తుపై దృష్టి సారించారు. కానీ ఆ జిల్లాలోని ముగ్గురు మంత్రులు తనకు అవకాశం ఇవ్వడం లేదన్న అసంతృప్తి ఆమె వ్యాఖ్యల్లో కనిపించింది. ఈ విషయంపై కాంగ్రెస్ పార్టీ అధికారిక స్పందన ఇంకా తెలియాల్సి ఉంది.