నెల్లూరు బారాషాహీద్ దర్గాలో రొట్టె పండుగ సందడి

నెల్లూరు బారా షాహిద్ దర్గాలో ప్రసిద్ధ రొట్టె పండుగ ఈ నెలలో భక్తిశ్రద్ధలతో కొనసాగుతోంది. రాష్ట్రంతో పాటు వివిధ రాష్ట్రాల నుండి భక్తులు పెద్ద సంఖ్యలో తరలివస్తున్నారు.

భక్తులు స్వర్ణాల చెరువులో కోరికల రొట్టెలు మార్చుకోవడం ఆనవాయితీగా వస్తున్న ఆచారం. మొక్కులు తీర్చుకోవడానికి భక్తులు దర్గాను దర్శించుకుంటారు. రాత్రి సమయంలో కూడా భక్తులు స్వర్ణాల చెరువులో రొట్టెలు మార్చుకుంటూ కనిపించారు.

అనంతపురం నుండి వచ్చిన ఒక భక్తుడు తెలిపారు: “మా కొడుకు పెళ్లి తర్వాత గత సంవత్సరం ఇక్కడ రొట్టె తీసుకున్నాము. ఇప్పుడు మా ఇంట్లో బరకత్ ఉంది. మూడు నెలల పిల్లోడు కూడా ఉన్నాడు.” తిరుపతి నుండి వచ్చిన మరో భక్తుడు చెప్పారు: “మా చెల్లెలు పెళ్లి కోసం రొట్టెలు తీసుకున్నాము. ఆ తర్వాత ఆమెకు కూతురు పుట్టింది. మనసుతో నమ్మితే ఏదైనా జరుగుతుంది.”

భక్తుల రాకపోకలకు అసౌకర్యం కలగకుండా అధికారులు విస్తృత ఏర్పాట్లు చేశారు. పోలీసులు పటిష్ట భద్రత నిర్వహిస్తున్నారు. ఈ రాత్రి గంధ మహోత్సవం జరగనుండడంతో భక్తుల రద్దీ మరింత పెరిగే అవకాశం ఉంది.