34 ఏళ్ల తర్వాత తొలి పరిచయం జరిగిన నాగార్జునసాగర్‌ను సందర్శించిన CM రేవంత్ రెడ్డి, గీత

తెలంగాణ ముఖ్యమంత్రి రేవంత్ రెడ్డి తన సతీమణి గీతతో కలిసి నాగార్జున సాగర్ జలాశయాన్ని సందర్శించారు. ఈ సందర్శన వారు తొలిసారి కలుసుకున్న 34 ఏళ్ల తర్వాత జరగడం విశేషం.

యాదగిరిగుట్ట పండితుల ఆధ్వర్యంలో విజయపూరిలో నిర్వహించిన మహా వరుణ యాగంలో పాల్గొన్న అనంతరం సీఎం దంపతులు ఈ జలాశయాన్ని సందర్శించినట్లు స్థానిక వర్గాలు తెలిపాయి.

34 ఏళ్ల క్రితం ఇంటర్మీడియట్ చదువుతున్న రోజుల్లో రేవంత్ స్నేహితులతో కలిసి నాగార్జున సాగర్ వచ్చారు. అదే సమయంలో గీత తన కజిన్ (రేవంత్ స్నేహితుడు)తో అక్కడికి రావడంతో పరిచయం ఏర్పడింది. ఆ పరిచయం కాస్తా ప్రేమగా మారి, కుటుంబసభ్యుల అభ్యంతరాల తర్వాత 1992లో వీరి వివాహం జరిగింది.

ప్రస్తుత సందర్శనలో దిగిన ఫొటోతో పాటు 34 ఏళ్ల క్రితం దిగిన ఫొటోను అభిమానులు సోషల్ మీడియాలో షేర్ చేస్తున్నారు.