బాలి టూర్ ప్యాకేజీని ప్రకటించిన ఆర్వీ టూర్స్.. 5 రోజులకు ₹85,000

ఆర్వీ టూర్స్ అండ్ ట్రావెల్స్ ఇంటర్నేషనల్ 4 రాత్రులు, 5 రోజుల బాలి టూర్ ప్యాకేజీని ప్రకటించింది. ఈ ప్యాకేజీ ధర ₹85,000. కంపెనీ ఇంటర్నేషనల్ సేల్స్ మేనేజర్ చంద్రశేఖర్ ఈ వివరాలు తెలిపారు.

బాలి ఇండోనేషియాలోని ఒక ద్వీపం. ఇండోనేషియాలో ముస్లిం జనాభా ఎక్కువగా ఉన్నా, బాలిలో హిందూ సంప్రదాయం ఎక్కువగా కనిపిస్తుందని ఆయన చెప్పారు. బాలి రెండు ప్రాంతాలుగా విభజించబడి ఉంటుంది. కుటా ప్రాంతం ఆధునిక నగరం కాగా, ఉబుద్ ప్రాంతం సాంస్కృతిక కేంద్రంగా ఉంటుంది.

ప్యాకేజీలో సుమారు 80 శాతం ముఖ్య ఆకర్షణలు చేర్చారు. ఉబుద్‌లో తీర్థగంగ ఆలయం, బాలి స్వింగ్, రైస్ టెర్రస్, జలపాతాలు, ఉబుద్ ప్యాలెస్ ఉన్నాయి. కుటాలో గరుడ విష్ణు కెంచన (GWK) పార్క్, తనహలా ఆలయం, ఉలువట్టు ఆలయం, తాంజుంగ్ బెనోవా బీచ్ ఉన్నాయి. తాంజుంగ్ బెనోవా బీచ్ నుంచి గ్లాస్ బాటమ్ బోట్‌లో టర్టిల్ ఐలాండ్‌కు తీసుకెళ్తారు.

ఆలయాల్లోకి వెళ్లేందుకు సారంగ్ అనే ప్రత్యేక వస్త్రం కట్టుకోవాలి. ఇది బాలి సంప్రదాయం అని చంద్రశేఖర్ తెలిపారు.

ప్యాకేజీలో ట్రాన్సిట్ విమానం, లగ్జరీ హోటల్ బస, రవాణా, అల్పాహారం, భోజనం, రాత్రి భోజనం, అన్ని ప్రవేశ టికెట్లు ఉన్నాయి. భోజనం భారతీయ రెస్టారెంట్లలో అందిస్తారు. కంపెనీకి రెండు తెలుగు రాష్ట్రాల్లో 11 బ్రాంచీలు, బెంగళూరులో ఒక బ్రాంచ్ ఉంది.