సీత పాత్రకు సాయి పల్లవికి రూ.20 కోట్ల పారితోషకం?

నటి సాయి పల్లవి నితేష్ తివారి దర్శకత్వంలో రూపొందుతున్న 'రామాయణం' చిత్రంలో సీత పాత్ర పోషిస్తున్నారు. ఈ సినిమా రెండు భాగాలుగా తెరకెక్కుతుండగా, మొత్తం బడ్జెట్ రూ.4,000 కోట్ల వరకు ఉండవచ్చని సమాచారం. సాయి పల్లవి ఈ ప్రాజెక్ట్ కోసం రెండేళ్ల సమయాన్ని కేటాయించారు, ఈ కాలంలో ఆమె వేరే సినిమాలు చేయడానికి అవకాశం తక్కువ. ఇటీవల సినీ వర్గాల్లో ప్రచారం జరుగుతున్న దాని ప్రకారం, రెండు భాగాలకు కలిపి ఆమెకు రూ.20 కోట్లకు పైగా పారితోషకం ఇస్తున్నారు. సౌత్ సినీ పరిశ్రమలో ఓ హీరోయిన్ కు ఇంత భారీ మొత్తం లభించడం అరుదు. అయితే బాలీవుడ్ టాప్ హీరోయిన్లతో పోలిస్తే ఈ మొత్తం తక్కువే. సాయి పల్లవి తన సినిమాల్లో కథ, పాత్రల ప్రాధాన్యత ఆధారంగా ఎంపిక చేసుకుంటారు. రామాయణం ప్రాజెక్ట్ లో పాల్గొనడానికి ఆమెకు ప్రత్యేక సన్నాహాలు అవసరమని, అందుకే నిర్మాతలు ఈ పారితోషకం ఇచ్చారని సమాచారం.