అబిడ్స్లో డ్రగ్స్ మత్తులో యువకుడి హల్చల్, ముగ్గురు పోలీసులు గాయపడ్డారు

హైదరాబాద్ నగరంలోని అబిడ్స్ ప్రాంతంలో డ్రగ్స్ మత్తులో ఉన్న ఒక యువకుడు హల్చల్ చేశాడు. పోలీసులు అతన్ని ఆపేందుకు ప్రయత్నించగా, అతను కారు ఎక్కించి పరారయ్యాడు. ఈ ఘటనలో ముగ్గురు పోలీసులు గాయపడ్డారు.

పోలీసులు నిందితుడు సైఫ్ ను అబిడ్స్ నుంచి అఫ్జల్ గంజ్ వరకు వెంబడించి అదుపులోకి తీసుకున్నారు. హెడ్ కానిస్టేబుల్ మహేందర్ కాలు ఫ్రాక్చర్ కాగా, ఇన్స్పెక్టర్ శ్రీకాంత్, కానిస్టేబుల్ వంశీధర్ స్వల్పంగా గాయపడ్డారు. గాయపడిన వారిని ఆసుపత్రికి తరలించి చికిత్స అందిస్తున్నారు.

కానిస్టేబుల్ మహేందర్ ఇచ్చిన ఫిర్యాదు ఆధారంగా అబిడ్స్ పోలీస్ స్టేషన్లో సైఫ్ పై కేసు నమోదు చేసి దర్యాప్తు ప్రారంభించారు. నిందితుడు డ్రగ్స్ మత్తులో ఉన్నాడా లేదా అన్న విషయాన్ని పోలీసులు నిర్ధారించాల్సి ఉంది.