సమంత రూత్ ప్రభు సినిమాలకు తాత్కాలిక విరామం; 2028 వరకు స్క్రీన్‌పై కనిపించే అవకాశం లేదు

నటి సమంత రూత్ ప్రభు తన తాజా చిత్రం 'మా ఇంటి బంగారం' విజయం సాధించిన నేపథ్యంలో సినిమాలకు సుదీర్ఘ విరామం ప్రకటించారు. ఆమె ప్రెగ్నెన్సీ కారణంగా కనీసం రెండేళ్లపాటు నటనకు దూరంగా ఉండనున్నట్లు తెలిపారు.

'మా ఇంటి బంగారం' నందిని రెడ్డి దర్శకత్వంలో రూపొందింది. రాజ్ నెడమోరు కథ అందించారు. పెద్ద అంచనాలు లేకుండా విడుదలైన ఈ సినిమా రూ.100 కోట్ల వసూళ్ల మార్కును దాటింది. మహిళా ప్రధానమైన తెలుగు సినిమాలలో అత్యధిక వసూళ్లు సాధించిన చిత్రంగా నిలిచింది.

సమంత 2027లో తిరిగి సినిమాల్లోకి రావచ్చని కొన్ని వర్గాలు చెప్పినప్పటికీ, ప్రస్తుత పరిస్థితులను బట్టి 2028 వరకు ఆమె స్క్రీన్‌పై కనిపించే అవకాశం తక్కువగా ఉందని తెలుస్తోంది. అయితే, ఈ విరామంలో సమంత ఓటిటి రంగంలో క్రియాశీలంగా ఉండనున్నారు. త్వరలో ఒక ప్రముఖ ఓటిటి సంస్థ కోసం రియాలిటీ షోలో పాల్గొనేందుకు ఒప్పందం కుదుర్చుకున్నారు. గతంలో ఆమె ఆహా వేదికగా 'సామ్ జామ్' అనే టాక్ షో, 'ఫ్యామిలీ మ్యాన్' వెబ్‌సిరీస్ చేశారు.