సంగారెడ్డి ఫల పరిశోధన కేంద్రంలో 300కు పైగా మామిడి రకాల ప్రదర్శన

సంగారెడ్డి ఫల పరిశోధన కేంద్రంలో మ్యాంగో మేలా నిర్వహించారు. ఈ ప్రదర్శనలో 320కు పైగా మామిడి రకాలను ఒకే చోట ప్రదర్శించారు.

హిమాయత్, దశేరి, అల్పన్సో, నవనీతం, అమ్రపాలి, మల్లిక, కేసర్, హిమాయత్ పసంద్ వంటి సాంప్రదాయ రకాలతో పాటు, సింధూర, లాల్‌ముని, తెల్లగులాబీ, అత్తరు సాయబ్ వంటి రంగురంగుల రకాలు కూడా ప్రదర్శనలో ఉన్నాయి. మామిడి పరిమాణం 50 గ్రాముల నుండి ఒక కేజీ వరకు ఉన్న రకాలు ఇక్కడ చూపించారు. సెప్టెంబర్-అక్టోబర్ వరకు కాయలిచ్చే off-season రకాలు 12 ఉన్నాయని అధికారులు తెలిపారు.

భవిష్యత్తు hybridization కార్యక్రమాలకు తోడ్పడేందుకు ఈ germplasm నిర్వహిస్తున్నామని కేంద్రం నిర్వాహకులు చెప్పారు. రైతులకు లాభసాటి రకాల మొక్కలను నర్సరీలో తక్కువ ధరకే అందిస్తున్నామని అధికారులు వెల్లడించారు. మార్కెటింగ్, ఎగుమతిపై కూడా రైతులకు అవగాహన కల్పించడం ఈ కార్యక్రమ లక్ష్యమని పేర్కొన్నారు.

ప్రదర్శనకు రైతులు, వ్యాపారులు, విద్యార్థులు పెద్ద సంఖ్యలో హాజరయ్యారు. 18 ఎకరాల తోట ఉన్న ఒక రైతు తన వద్ద ఏ రకాలు ఉన్నాయో గుర్తించేందుకు వచ్చినట్లు తెలిపారు. పలువురు రైతులు తమ తోటలను విస్తరించేందుకు మేలైన రకాలు ఎంపిక చేసుకునేందుకు ఆసక్తి చూపారు.

సంగారెడ్డి మామిడి ఫల పరిశోధన స్థానం 60 సంవత్సరాల సేవను పురస్కరించుకుని వజ్రోత్సవ వేడుకలు నిర్వహించారు.