సంజయ్ జాజు తెలంగాణ కొత్త చీఫ్ సెక్రెటరీగా నియామకం

తెలంగాణ ప్రభుత్వం సంజయ్ జాజును రాష్ట్ర చీఫ్ సెక్రెటరీగా నియమించింది. ఈ మేరకు ప్రభుత్వం ఉత్తర్వులు జారీ చేసింది.

సంజయ్ జాజు 1992 బ్యాచ్ IAS అధికారి. కేంద్ర ప్రభుత్వంలో సమాచార, ప్రసార మంత్రిత్వ శాఖ కార్యదర్శిగా పనిచేశారు. పట్టణాభివృద్ధి, పరిపాలన, సమాచార సాంకేతికత రంగాల్లో ఆయనకు విస్తృత అనుభవం ఉంది.

ఉమ్మడి ఆంధ్రప్రదేశ్‌లో విశాఖపట్నం మున్సిపల్ కమిషనర్‌గా, హైదరాబాద్ మున్సిపల్ కార్పొరేషన్ కమిషనర్‌గా, సివిల్ సప్లై కమిషనర్‌గా ఆయన బాధ్యతలు నిర్వహించారు. ఇరిగేషన్ శాఖ, IT శాఖల్లోనూ కీలక పాత్ర పోషించారు.

ప్రస్తుత చీఫ్ సెక్రెటరీ రామకృష్ణ రాజు పదవీకాలం ఈ నెల 30వ తేదీతో ముగియనుంది. రెండు రోజుల క్రితం కేంద్ర ప్రభుత్వం సంజయ్ జాజును తెలంగాణ క్యాడర్‌కు తిరిగి పంపుతూ ఉత్తర్వులు జారీ చేసింది. ఈ నేపథ్యంలోనే ఆయనను సీఎస్‌గా నియమిస్తూ రాష్ట్ర ప్రభుత్వం నిర్ణయం తీసుకుంది.