శనివారం ఇంటిలో వెంకటేశ్వర దీపారాధన: ఎలా చేయాలి?

తిరుమల వెంకటేశ్వర స్వామికి శనివారం ప్రత్యేకమైన రోజు. ఈ రోజున ఇంటిలోనే స్వామి వారి చిత్రపటం ముందు దీపారాధన చేయడం ఆచారంగా ఉంది. ప్రత్యేకంగా తయారు చేసిన ప్రమిదలో రెండు దీపాలు వెలిగించి భక్తులు ఆరాధిస్తారు.

ప్రమిదను బియ్యం పిండి, ఆవుపాలు, ఆవునెయ్యి, యాలకులు, లవంగాలు, పచ్చకర్పూరం వంటి పదార్థాలతో చేసి, కరిగించిన నేతితో రెండు ప్రమిదలను వెలిగిస్తారు. ఒక ప్రమిద భక్తుడి ప్రతీకగా, మరొకటి స్వామి ప్రతీకగా భావిస్తారు. దీపకాంతి తిరుమల చేరుతుందని, స్వామి దర్శనాన్ని మనసులో ఊహించుకోవాలని సంప్రదాయం.

ఈ దీపారాధనవలన ధనధాన్యాలు, ఆరోగ్యం, పిల్లల చదువు, సంసారంలో ఐక్యత, సంతోషం లభిస్తాయని భక్తుల విశ్వాసం. శనివారం నాడు చేసే ఈ దీపారాధనతో వెంకటేశ్వర అనుగ్రహం సంపూర్ణంగా లభిస్తుందని నమ్మకం.