బార్కోడ్ స్కాన్ చేసి ప్రొడక్ట్ సమాచారం తెలుసుకునే విధానం

మనం రోజూ కొనుగోలు చేసే ఆహార పదార్థాలు, కాస్మెటిక్స్ వంటి ఉత్పత్తులపై బార్కోడ్ ఉంటుంది. చాలామంది దీనిని కేవలం బిల్లింగ్ కోడ్ గా భావిస్తారు. కానీ ఆ బార్కోడ్ లో ఆ ఉత్పత్తికి సంబంధించిన ముఖ్యమైన వివరాలు ఉంటాయి. గూగుల్ లెన్స్ ఉపయోగించి ఈ వివరాలను సులభంగా తెలుసుకోవచ్చు.

పద్ధతి చాలా సింపుల్. ముందుగా మీ స్మార్ట్ ఫోన్ లో Google యాప్ ఓపెన్ చేయండి. అందులో Lens ఆప్షన్ ఎంచుకోండి. కెమెరా స్కానర్ ను బార్కోడ్ పై ఫోకస్ చేయండి. స్కానింగ్ పూర్తయ్యాక ‘Search barcode’ ఆప్షన్ వస్తుంది. దాన్ని ట్యాప్ చేస్తే ఆ ఉత్పత్తికి సంబంధించిన పూర్తి వివరాలు తెరపై కనిపిస్తాయి.

ఈ విధానంలో ఆ ఉత్పత్తి బరువు, ధర, ఇంగ్రిడియంట్లు, నిల్వ చేసే సూచనలు, పోషక విలువలు వంటివి తెలుస్తాయి. అంతేకాకుండా ఆ ఉత్పత్తి ఒరిజినల్ ఉత్పత్తా లేదా నకిలీదా అని కూడా గుర్తించవచ్చు. కొన్ని ఉత్పత్తులపై క్యూఆర్ కోడ్ ఉన్నా, బార్కోడ్ మాత్రం ప్రతి ఉత్పత్తిపై తప్పనిసరిగా ఉంటుంది. కాబట్టి ఈ పద్ధతి అన్ని ఉత్పత్తులకు వర్తిస్తుంది.

మార్కెట్లో నకిలీ ఉత్పత్తులు అమ్మే అవకాశం ఉన్నందున వినియోగదారులు ఈ సింపుల్ టెక్నిక్ ఉపయోగించి నాణ్యతను ధ్రువీకరించుకోవచ్చు. ఇక నుంచి ఏదైనా ఉత్పత్తి కొనేటప్పుడు బార్కోడ్ ను గూగుల్ లెన్స్ తో స్కాన్ చేసి సరైన సమాచారం తెలుసుకోండి.