ఎన్టీఆర్ జిల్లా పెనుపాకలో స్కూల్ బస్సు బోల్తా.. డ్రైవర్, ఇద్దరు విద్యార్థులకు గాయాలు

ఎన్టీఆర్ జిల్లాలోని పెనుపాకలో విద్యార్థులను తీసుకెళ్తున్న స్కూల్ బస్సు ప్రమాదవశాత్తు బోల్తా పడింది. బస్సు పక్కనే ఉన్న పంట పొలాల్లోకి పడిపోయింది. ఎన్టీఆర్ జిల్లా కేంద్రం విజయవాడ.

ప్రమాదం జరిగిన సమయంలో బస్సులో 16 మంది విద్యార్థులు ఉన్నట్లు సమాచారం. ఈ ఘటనలో డ్రైవర్‌తో పాటు ఇద్దరు విద్యార్థులకు గాయాలయ్యాయి. గాయపడిన ముగ్గురిని సమీప ఆస్పత్రికి తరలించారు.

ప్రమాదం జరిగిన వెంటనే స్థానికులు అప్రమత్తమయ్యారు. హుటాహుటిన బస్సు వద్దకు చేరుకుని విద్యార్థులను బయటకు తీశారు.

బస్సు బోల్తా పడినా ఈ ఘటనలో పెద్ద ప్రమాదం తప్పింది.