కర్ణాటకలో మోడల్ శృతి బంగేరా మృతి; పోలీసులు దర్యాప్తు

కర్ణాటకలోని ఉడిపి జిల్లా మల్పే పోలీస్ స్టేషన్ పరిధిలోని కల్మడి ప్రాంతంలో 27 ఏళ్ల మోడల్ శృతి బంగేరా తన ఇంట్లో మృతి చెందినట్టు పోలీసులు తెలిపారు.

శృతి మోడలింగ్ రంగంతో పాటు స్థానిక హోటల్లో ఉద్యోగం చేస్తూ జీవనం సాగించారు. అయితే గత ఐదు నెలలుగా ఆమె ఉద్యోగానికి వెళ్లకుండా తల్లి, సోదరితో కలిసి ఇంట్లోనే ఉంటున్నట్టు కుటుంబ సభ్యులు పోలీసులకు వివరించారు. ఈ కాలంలో ఆమె మానసిక ఒత్తిడికి గురైనట్లు కూడా కుటుంబ సభ్యులు చెప్పారు.

మృతికి గల ఖచ్చితమైన కారణం ఇంకా తెలియలేదు. పోలీసులు కేసు నమోదు చేసి దర్యాప్తు ప్రారంభించారు. శృతితో సన్నిహితంగా ఉన్న వారిని సంప్రదిస్తున్నట్టు పోలీసులు తెలిపారు. దర్యాప్తు పూర్తయ్యాకే పూర్తి వివరాలు వెల్లడి కానున్నాయి.