తక్కువ పెట్టుబడితో ఎక్కువ లాభం: 5 స్మార్ట్ వ్యవసాయ పద్ధతులు

ICAR, National Horticulture Board (NHB) సహా పలు వ్యవసాయ పరిశోధన సంస్థలు తక్కువ భూమి, తక్కువ పెట్టుబడితో అధిక లాభాలు ఇచ్చే వ్యవసాయ పద్ధతులను సూచిస్తున్నాయి.

ఆర్గానిక్ ఫార్మింగ్‌లో రసాయన ఎరువులు వాడకుండా సహజ పద్ధతిలో కూరగాయలు, ఆకుకూరలు పండిస్తారు. ఎకరానికి ₹40,000–₹60,000 ఖర్చు అవుతుంది. ఆర్గానిక్ కూరగాయలకు మార్కెట్లో 30%–50% ఎక్కువ ధర వస్తుంది. నికర లాభం ఏడాదికి ఎకరానికి ₹1.5 లక్షల నుండి ₹2.5 లక్షల వరకు వస్తుందని నిపుణులు అంచనా వేస్తున్నారు.

వర్టికల్ ఫార్మింగ్ (హైడ్రోపోనిక్స్) పద్ధతిలో మట్టి అవసరం లేదు. పోషకాలతో కూడిన నీటిలో పంట పెంచుతారు. 1,000 చదరపు అడుగుల స్థలానికి LED లైట్లు, పైపుల సెటప్ కోసం ₹2 లక్షల నుండి ₹4 లక్షల వరకు పెట్టుబడి అవసరం. సాధారణ వ్యవసాయంతో పోలిస్తే 90% నీరు ఆదా అవుతుంది. నెలకు ₹30,000–₹50,000 ఆదాయం పొందవచ్చని నిపుణులు తెలిపారు.

ఆక్వాపోనిక్స్‌లో చేపల పెంపకం, కూరగాయల సాగు ఒకేసారి జరుగుతాయి. చేపల నీటి వ్యర్థాలను కూరగాయల మొక్కలకు ఎరువుగా వాడతారు. 5 సెంట్ల భూమికి ₹3 లక్షల నుండి ₹5 లక్షల పెట్టుబడి అవసరం. ఏడాదికి ₹2 లక్షల నుండి ₹3 లక్షల ఆదాయం వస్తుందని నిపుణులు చెప్తున్నారు.

డ్రాగన్ ఫ్రూట్, అశ్వగంధ వంటి స్పెషల్ పంటలకు మార్కెట్లో డిమాండ్ ఎక్కువగా ఉంది. డ్రాగన్ ఫ్రూట్ పెట్టుబడి ఒకసారి పెట్టగానే దాదాపు 20 ఏళ్ల పాటు దిగుబడి వస్తుంది. ఎకరానికి సెటప్ కోసం ₹3–4 లక్షలు ఖర్చవుతుంది. ఈ పంటలకు ప్రభుత్వ సబ్సిడీలు కూడా అందుబాటులో ఉన్నాయి. మొక్కలు నాటిన రెండేళ్ల తర్వాత పంట చేతికి వస్తుంది. ఎకరానికి ఏడాదికి ₹3–5 లక్షల లాభం వస్తుందని వ్యవసాయ నిపుణులు తెలిపారు.

ఆగ్రో ఫారెస్ట్రీ పద్ధతిలో పొలం గట్ల మీద శ్రీగంధం, మహాఘని లేదా పండ్ల చెట్లు పెంచవచ్చు. మొక్కల కొనుగోలుకు ఎకరానికి ₹20,000–₹30,000 ఖర్చవుతుంది. 8–10 ఏళ్ల తర్వాత కలప చెట్ల నుండి ₹10–20 లక్షల వరకు ఆదాయం రావచ్చని అంచనా.

ఈ పద్ధతుల గురించి పూర్తి అవగాహన కోసం దగ్గరలోని Agriculture లేదా Horticulture విభాగాన్ని సంప్రదించవచ్చు.