మెదక్ జిల్లాలో జాతీయ రహదారుల వద్ద దాబాల్లో కుళ్లిన ఆహారం; తనిఖీలకు డిమాండ్
మెదక్ జిల్లాలోని నందికంది శివార్లలో జాతీయ రహదారి పక్కన ఉన్న ఓ దాబాలో ఆహార పదార్థాలు నాణ్యత లేకుండా ఉన్న దృశ్యాలు బయటపడ్డాయి. ఇక్కడి రాజస్థాన్ దాబాలో ఫ్రిజ్లో ఉంచిన కుళ్లిపోయిన మాంసం, రాత్రి మిగిలిన అన్నం, చెడిపోయిన కూరగాయలు, ఫంగస్ పట్టిన వెజ్ బిర్యానీ, మంచూరియా తదితరాలు కనిపించాయి. దాబా కిచెన్లో పరిశుభ్రత లోపించింది.
జిల్లాగుండా వెళ్ళే ఎన్హెచ్ 44, ఎన్హెచ్ 65, ఎన్హెచ్ 161, ఎన్హెచ్ 765 సహా పలు జాతీయ రహదారులపై ఇలాంటి పరిస్థితే ఉన్నట్లు స్థానికులు చెబుతున్నారు. ఫుడ్ ఇన్స్పెక్టర్లు సిబ్బంది కొరత వల్ల తనిఖీలు నామమాత్రంగా జరుగుతున్నాయి. గతంలో జిల్లా అధికార యంత్రాంగం కొన్ని దాడులు నిర్వహించి హోటళ్ళు సీజ్ చేయడం, జరిమానాలు విధించడం జరిగింది. కానీ ప్రస్తుతం మళ్ళీ పాత పద్ధతే కొనసాగుతోంది. రహదారి ప్రయాణికులు డబ్బు చెల్లించి ఆరోగ్యం పాడు చేసుకుంటున్నారని, జిల్లా అధికారులు కఠిన చర్యలు తీసుకోవాలని డిమాండ్ చేస్తున్నారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
