కరీంనగర్ బీటెక్ విద్యార్థిని రూపొందించిన బైక్ ఎయిర్ బ్యాగ్

కరీంనగర్ జిల్లాకు చెందిన బీటెక్ విద్యార్థిని శ్రీ చందన, బైక్ ప్రయాణికుల రక్షణ కోసం ఒక ప్రత్యేకమైన ఎయిర్ బ్యాగ్ వ్యవస్థను రూపొందించారు. ఆమె తండ్రికి జరిగిన ప్రమాదం నుంచి స్ఫూర్తి పొంది ఈ ఆవిష్కరణ చేశారు.

తండ్రికి ప్రమాదం జరిగినప్పుడు హెల్మెట్ తలను కాపాడినా శరీరానికి గాయాలు తగిలాయి. దీంతో పూర్తి శరీర రక్షణ అందించే ఈ వ్యవస్థను రూపొందించారు. బైక్కు టక్కర్ అయినప్పుడు 10 సెకన్లలో ఈ ఎయిర్ బ్యాగ్ తెరుచుకుంటుంది. దీనిలో జీపీఎస్ సౌకర్యం కూడా ఉంది.

ప్రమాదం జరిగిన వెంటనే సమీపంలోని అంబులెన్స్, పోలీస్ స్టేషన్లకు సందేశం చేరుతుంది. శ్రీ చందన చేసిన ఈ ప్రాజెక్టుకు కేంద్ర ప్రభుత్వం రూ.12 లక్షల గ్రాంటు మంజూరు చేసింది. ఆమెకు ప్రత్యేక శిక్షణ కూడా ఇప్పించనున్నట్లు అధికారులు తెలిపారు.