శ్రీశైలంలో భక్తుల వసతికి మాస్టర్ ప్లాన్ : ఎమ్మెల్యే బుడ్డా రాజశేఖర్ రెడ్డి

శాసనసభ్యుడు బుడ్డా రాజశేఖర్ రెడ్డి శ్రీశైల నియోజకవర్గంలో డోర్ టు డోర్ ప్రచారం నిర్వహించారు. గంటామటం నుంచి ప్రారంభించిన ఈ కార్యక్రమంలో ఆయన పలు కాలనీల్లో పర్యటించారు. ప్రభుత్వ పథకాలపై ప్రజల స్పందనను, సమస్యలను అడిగి తెలుసుకున్నారు.

నీటి సమస్యకు శాశ్వత పరిష్కారంగా రూ.4.5 కోట్లతో ఓవర్ హెడ్ ట్యాంక్, పైప్ లైన్ ఏర్పాటు చేస్తామని ఎమ్మెల్యే హామీ ఇచ్చారు. శ్రీశైల క్షేత్రంలో భక్తుల వసతి కోసం మాస్టర్ ప్లాన్ రూపొందిస్తున్నట్లు వెల్లడించారు. తిరుమల తరహాలో నూతన వసతి సత్రాలు నిర్మించే అవకాశం ఉందని చెప్పారు.

ప్రధాని చెరువు నుంచి త్వరలో హై ఎలివేటర్ కారిడార్ రానున్నట్లు స్పష్టం చేశారు. ఈ డోర్ టు డోర్ ప్రచార కార్యక్రమం 45 రోజుల పాటు రాష్ట్రవ్యాప్తంగా కొనసాగుతుందని, ప్రతి గ్రామంలో ఇంటింటికి వెళ్లి ప్రజల సమస్యలు తెలుసుకుంటామని తెలిపారు.