శ్రీశైలం ప్రాజెక్టులో నీటి నిల్వ 39 టీఎంలకు పడిపోయింది

రెండు నెలలుగా వర్షాలు లేకపోవడంతో శ్రీశైలం రిజర్వాయర్లో నీటి నిల్వ 39 టీఎంలకు పడిపోయింది. ఎగువ నుంచి వరద ప్రవాహం రాకపోవడంతో ఈ పరిస్థితి ఏర్పడింది.

జూలై రెండవ వారంలోనూ కృష్ణా బేసిన్లోకి వరద నీరు రాలేదు. గతంలో జూన్ 29న ఒక గేటు, జూలై 12న పది గేట్లు ఎత్తి నీటిని దిగువకు వదిలారు. కేఆర్ఎంబీ అధికారులు జూలై 1 నుంచి రిజర్వాయర్ వివరాలను బయటపెట్టలేదు.

కల్వకుర్తి ఎత్తిపోతల స్కీమ్ కింద 4.51 లక్షల ఎకరాల్లో సాగు జరగాల్సి ఉండగా, సగం కంటే ఎక్కువ మంది రైతులు విత్తనాలు వేసుకోలేకపోయారు. బోర్లు ఉన్న రైతులు మాత్రమే పత్తి, మొక్కజొన్న వేశారు.

ఎల్లూరు, సింగోటం, జొన్నలబోగడ, గుడిపల్లిగట్టు రిజర్వాయర్లలో నామమాత్రపు నీళ్లే ఉన్నాయి. ప్రధాన కాల్వలు ఎండిపోయాయి. మిషన్ భగీరథ తాగునీటి కోసం ఎల్లూరు పంప్ హౌస్ నుంచి ఒక పంపు నడుపుతున్నారు.

వరద ప్రవాహం మొదలైతే ఆగస్టు మధ్యలో నీటిని ఎత్తిపోయడానికి అవకాశం ఉందని ఇరిగేషన్ అధికారులు చెప్పారు. సాగునీటి లభ్యతపై రైతుల్లో అవగాహన కలిగించాలని వ్యవసాయ, ఇరిగేషన్, రెవెన్యూ శాఖల అధికారులకు, సర్పంచ్లకు ప్రభుత్వం ఆదేశాలు జారీ చేసింది.