ఎస్.ఎస్. రాజమౌళి 'వారణాసి' క్లైమాక్స్ షూటింగ్ కోసం ₹4 కోట్ల సెట్ నిర్మాణం

S.S. రాజమౌళి దర్శకత్వంలో తెరకెక్కుతున్న 'వారణాసి' సినిమా కీలకమైన క్లైమాక్స్ యాక్షన్ సీక్వెన్స్ చిత్రీకరణ కోసం రూ.4 కోట్లు ఖర్చు చేసి భారీ సెట్ నిర్మించినట్లు సమాచారం. ఈ సెట్ లోనే సినిమాకు హైలైట్ గా నిలిచే ఫైట్ సీన్ చిత్రీకరించనున్నారు.

ఈ చిత్రంలో ప్రధాన పాత్రలు మహేష్ బాబు, ప్రియాంక చోప్రా, పృథ్విరాజ్ సుకుమారన్ పోషిస్తున్నారు. మహేష్ బాబు ఈ సినిమాలో ఐదు వేర్వేరు పాత్రల్లో కనిపించబోతున్నారనే ప్రచారం జరుగుతోంది. ప్రియాంక చోప్రా 'మందాకిని' పాత్ర చేస్తుండగా, పృథ్విరాజ్ 'కుంభ' పాత్రలో నటిస్తున్నారు.

ఈ చిత్రాన్ని సుమారు రూ.1,300 కోట్లకు పైగా భారీ బడ్జెట్తో నిర్మిస్తున్నట్లు తెలుస్తోంది. సంగీతం ఎమ్.ఎమ్. కీరవాణి అందిస్తున్నారు. ఇప్పటికే విడుదలైన టీజర్‌కు ప్రేక్షకుల నుండి మంచి స్పందన లభించింది. ఈ సినిమా వచ్చే ఏడాది ఏప్రిల్ 7న విడుదల కానుందని చిత్ర యూనిట్ ప్రకటించింది.